Ndërsa spitalet luftojnë kundër pandemisë koronavirus, mijëra njerëz në të gjithë vendin do të kenë nevojë për trajtim për kushte të tjera, me shumë raste që kërkojnë transfuzion gjaku.
Gratë që vuajnë nga komplikimet gjatë shtatëzanisë, fëmijët me anemi dhe njerëz të përfshirë në aksidente të rënda janë vetëm disa nga ata që do të përfitojnë nga një dhurim i gjakut për shpëtimin e jetës.
Por a duhet të vazhdoni të dhuroni gjak gjatë izolimit të koronavirusit, a është e sigurt ta bëni këtë, dhe a vlerësohet si një dalje për nevoja esenciale?
A duhet të dhuroj gjak gjatë pandemisë koronavirus?
Dhurimi i gjakut shpëton jetë dhe gjithmonë ka kërkesa të mëdha. Shërbimi kërkohet 365 ditë në vit, me staf të përkushtuar që punojnë ditë e natë për të përpunuar, testuar dhe shpërndarë gjakun e dhuruar.
Gjaku dhe transplanti i NHS thotë se i duhen rreth 135,000 donatorë të rinj çdo vit për të siguruar që ai ka larminë e duhur të grupeve të gjakut për të përmbushur nevojat e pacientëve.
Sasia e gjakut të mbledhur në Angli në javën e fundit të marsit ishte 15 përqind më e ulët se sa pritej, tha NHS për Gjak dhe Transplante.
Ndërkohë, të premten Shërbimi i gjakut i Uellsit tha që dhurimet ishin ulur me 30% krahasuar me një javë të zakonshme në prill.
Zyrtarët në NHS për Gjak dhe Transplant po u kërkojnë njerëzve që të vazhdojnë të dhurojnë gjak normalisht, pas një rënie të dhurimeve të fundit.
“Ne kemi nevojë për njerëz që janë të shëndetshëm për të vazhduar dhurimin sa më normal gjatë shpërthimit të koronavirusit,” tha një zëdhënës i organizatës.
A është e sigurt të dhuroni gjak gjatë pandemisë së koronavirusit?
“Koronaviruset janë një familje e viruseve, dhe nuk ka asnjë dëshmi për ndonjë lloj koronavirusi që transmetohet përmes dhurimit të gjakut,” tha një zëdhënës i NHS.
Qendrat në të gjithë Mbretërinë e Bashkuar mbeten të hapura dhe kanë prezantuar një sërë masash shtesë sigurie për t’u siguruar që vetëm dhuruesit që janë mirë dhe nuk paraqesin faktorë rreziku të koronavirusit të hyjnë në zonën e dhurimit.
Stafi në qendra do të përzgjedh njerëzit pas mbërritjes, për t’u siguruar që janë të shëndetshëm për të hyrë në zonën e dhurimit.
NHS gjithashtu u kërkon donatorëve të shkojnë vetëm në orën kur e kanë caktuar për takim, në mënyrë që të mos ketë radhë të gjata, dhe të përmirësohet distanca sociale.
“Ne kemi marrë masa në vend dhe siguria është gjithmonë përparësia jonë numër një. Tani po bëjmë pastrim shtesë dhe këtë javë kemi filluar të përzgjedhim të gjithë ata që arrijnë në mënyrë që vetëm njerëzit pa faktorë rreziku të mund të hyjnë në zonën e dhurimit, “shtoi zëdhënësi i Transplantit të Gjakut NHS.
Stafi po pastron duart më shpesh dhe duke përdorur xhel duarsh me bazë alkooli, në përputhje me këshillat e qeverisë, sipas NHS.
Ata gjithashtu po pastrojnë më shumë sipërfaqe siç janë karriget e dhurimit, fletëpalosjet e petëzuara, qezmat e ujit, dhe do të vendosin maska, shtoi udhëzimi.
Po dalja për të dhuruar gjak, a konsiderohet dalje për nevoja esenciale?
Dhurimi i gjakut klasifikohet si dalje p♪7r nevoja esenciale sepse ndihmon në plotësimin e nevojave mjekësore të personave të prekur, sipas udhëzimeve zyrtare të qeverisë.
Kjo do të thotë që është në rregull nëse vozisni makinën tuaj deri në transfuzionin më të afërt lokal apo rajonal.
“Ne po kërkojmë nga donatorët tanë të gjakut që të ushëtojnë milje shtesë për të ndihmuar NHS tonë në këtë kohë të vështirë,” tha Alan Prosser, Drejtori i Shërbimit të Gjakut Uells.
“Ne i bëjmë thirrje kujtdo që ka të drejtë dhe dëshiron të bëjë një dhurim gjaku për shpëtimin e jetës për të vizituar faqen tonë të internetit për të gjetur dhe prenotuar një takim në një qendër rajoni për dhurime pranë tyre – edhe nëse nuk është vendi ku ata zakonisht dhurojnë.”
Tekstin origjinal e gjeni te “Independent”.
