Një studim i më shumë se 2,000 fëmijëve me virus në Kinë zbuloi se foshnjat ishin veçanërisht të ndjeshme nga zhvillimi i një infeksioni të rëndë.
Virusi Korona që po përhapet me shpejtësi në të gjithë globin, ka prirje të jetë më “e butë” me fëmijët, të cilët përbëjnë përqindjen më të vogël të të infektuarve të identifikuar deri më tani.
Studimi më i madh deri më tani i fëmijëve dhe i virusit ka zbuluar se ndërsa shumica shfaqin simptoma të buta ose mesatare, një përqindje e vogël – veçanërisht foshnjat dhe parashkollorët – mund të sëmuren seriozisht.
Studimi, i publikuar në internet në revistën Pediatrics, shikoi më shumë se 2,000 fëmijë të sëmurë në të gjithë Kinën, ku edhe filloi pandemia. Ky studim siguron një portret më të qartë se si pacientët e rinj preken nga virusi, njohuri që, ekspertët thonë se mund të ndihmojnë politikat e ndikimit, si mbyllja e shkollave, gatishmëria në spital, vendosja e një trajtimi eventual, dhe vaksina.
Studiuesit analizuan 2,143 raste të fëmijëve nën 18 vjeç që u raportuan në Qendrat Kineze për Kontrollin dhe Parandalimin e Sëmundjeve që nga 8 shkurti. Pak më shumë se një e treta e këtyre rasteve u konfirmuan me testime laboratorike. Pjesa tjetër u klasifikuan si raste të dyshuara bazuar në simptomat e fëmijës, rrezatimet rëntgen të gjoksit, testet e gjakut, dhe nëse fëmija ishte ekspozuar te njerëzit me koronavirus.
Rreth gjysma e fëmijëve kishin simptoma të buta, të tilla si: ethe, lodhje, kollë, kongjestion, dhe nganjëherë të vjellura ose diarre. Më shumë se një e treta – rreth 39 përqind – u sëmurën në një masë të caktuar, me simptoma shtesë përfshirë pneumoni ose probleme të mushkërive të zbuluara nga skanimi i CT, por pa gulçim të dukshëm. Rreth 4 përqind nuk kishin asnjë simptomë.
“Por ishin 125 fëmijë – gati 6 përqind – të cilët u sëmurën rëndë, dhe një djalë 14-vjeçar me koronavirus pozitiv vdiq”, tha Shilu Tong, autori profesionist i studimit, i cili është drejtor i departamentit të epidemiologjisë klinike dhe biostatikës në Qendrën Mjekësore për Fëmijët Shanghai. Trembëdhjetë raste prej tyre u konsideruan “kritike” në prag të frymëmarrjes ose dështim të organeve. Të tjerat raste u klasifikuan si “të rënda” sepse kishin probleme të rënda të frymëmarrjes.
“Në mënyrë efektive, çfarë na tregon kjo është se spitalet duhet të përgatiten për disa pacientë pediatrikë, sepse ne nuk mund të përjashtojmë të gjithë fëmijët,” tha Dr. Srinivas Murthy, një profesor i asociuar i pediatrisë në Universitetin e British Columbia, i cili nuk ishte i përfshirë në studimi.
“Përfundimi kryesor”, vazhdoi doktori Murthy, “është që fëmijët janë të infektuar me nivele që mund të jenë të krahasueshme me të rriturit, me ashpërsi që është shumë më pak, por që edhe brenda fëmijëve, ekziston një spektër sëmundjesh dhe ekziston një pjesë të vogël që kërkojnë terapi më agresive. “
Më shumë se 60 përqind e 125 fëmijëve që u sëmurën rëndë ose me sëmundje kritike ishin mosha 5 ose më e re, raportoi studimi. Dyzet prej tyre ishin foshnje, nën 12 muaj.
Doktor Tong tha se besonte që fëmijët më të vegjël ishin më të ndjeshëm ndaj infeksionit sepse sistemet e tyre të frymëmarrjes dhe funksionet e tjera të trupit po zhvillohen me shpejtësi.
Dr Andrea Cruz, një profesor i asociuar i pediatrisë së Kolegjit të Mjekësisë Baylor dhe bashkëautor i një kumtese në lidhje me studimin, tha që parashkollorët dhe foshnjat me gjasë sëmuren për shkak të “papjekurisë së sistemit imunitar”.
“Ata nuk kanë qenë të ekspozuar ndaj viruseve më parë dhe për këtë arsye ata nuk mund të japin përgjigje efektive imune,” tha ajo në një intervistë.
Shkencëtarët po përpiqen në mënyrë aktive të përcaktojnë pse kaq shumë fëmijë shfaqen relativisht të paprekur nga koronavirusi i ri, një model që karakterizoi edhe shpërthimet e hershme të virusit SARS të lidhura ngushtë në Kinë dhe MERS në Lindjen e Mesme. Rastet e fëmijëve me infeksionin e ri koronavirus në Itali, Singapor dhe Korenë e Jugut duket se janë të ngjashme, tha Dr. Murthy.
Një teori që po fiton rritje është se receptori ose proteina në qelizat njerëzore me të cilat grumbullohen grimcat virale, të quajtur receptori ACE2, nuk shprehet aq dukshëm tek fëmijët e vegjël ose mund të shfaqet në një formë tjetër, tha Dr. Murthy.
“Mund të mos jetë aq e zhvilluar tek fëmijët sa tek të rriturit”, tha ai, gjë që mund ta bëjë më të ashpër që pikat të lidhen në grimcat e vogla virale dhe të fitojnë hyrje në qelizat në mënyrë që virusi të mund të përsëritet.
Një tjetër teori është se “shumica e fëmijëve kanë mushkëri më të shëndetshme” sesa të rriturit, tha Dr. Cruz. Të rriturit ka të ngjarë të jenë më të ekspozuar ndaj ndotjes gjatë jetës së tyre dhe të rriturit me infeksion të rëndë me koronavirus kanë tendencë të kenë kushte themelore shëndetësore të dobëta ose sistem imunitar të plakur.
Ekspertët thonë se gjithashtu është e mundur që sistemet imunitare të fëmijëve nuk do ta sulmojnë virusin ashtu siç bëjnë sistemet imunitare të të rriturve. Mjekët kanë zbuluar se disa nga dëmtimet serioze te të rriturit e infektuar nuk janë shkaktuar vetëm nga virusi, por edhe nga një kundëpërgjigje imune agresive që krijon pezmatim destruktiv në organet e trupit.
Studimi i ri, duke qenë i madh dhe duke përfshirë raste në të gjithë Kinën, jo vetëm aty ku infeksioni kishte origjinën në Wuhan, lë shumë pyetje pa përgjigje. Për shembull, studiuesit zbuluan se rastet e rënda dhe kritike më shumë ishin fëmijët me infeksion të dyshuar sesa te ata me koronavirus të konfirmuar, duke rritur mundësinë që infeksione të tjera të shkatërrojnë trupat e tyre, përveç, ose ndoshta edhe në vend të Covid-19 .
Është gjithashtu e paqartë nëse Shtetet e Bashkuara mund të presin numër relativisht të vogël të rasteve të fëmijëve të raportuar në Kinë apo duhet të kërkojnë më shumë.
“Piramida e moshës në Kinë është me të vërtetë e ndryshme nga ajo e SHBA-së – ata kanë shumë më pak fëmijë sesa ne,” tha Dr. Cruz, i cili beson, ashtu si edhe ekspertë të tjerë, se një numër i madh i njerëzve me sëmundje të lehtë ose asimptomatike nuk kanë qenë të regjistruar sepse testimi nuk është bërë në ato raste. “Keni pasur shumë nën-testime te fëmijët sepse përqendrimi ka qenë te të rriturit. Ka të ngjarë që ne kemi qenë duke e nënvlerësuar barrën e sëmundjes tek fëmijët. “
Përgjigja e pyetjeve në lidhje me koronavirusin te fëmijët mund të jehojë përtej popullatës pediatrike. Mund ta bëjë të qartë pse disa pacientë janë më të rrezikuar. Dhe, tha Dr. Murthy, studimi i fiziologjisë së atyre që janë më pak të prekur mund të ndihmojë në zhvillimin e trajtimit dhe të vaksinës.
Artikullin e plotë mund ta gjeni te “The New York Times”.
